"Neftçi” PFK təlim-məşq toplanışı çərçivəsində ilk yoxlama oyununu keçirib. Komandamız İsmət Qayıbov adına təlim-məşq bazasında "Keşlə” ilə qarşılaşıb. 38-ci dəqiqədə Rəhman Hacıyevin ötürməsindən sonra Mirabdulla Abbasovun başla zərbəsi ilə hesab açılsa da, komandamız ikinci hissədə iki qol buraxaraq məğlub olub – 1:2.

"Neftçi”: Rəşad Əzizli (Aqil Məmmədov, 46), Məhəmməd Mirzəbəyov, Ruslan Abışov, Kirilo Petrov (Fərid Abbaslı, 88), İlkin Qırtımov, Meza Kolli (Elçin Əsədov, 88), Emin Mahmudov, İqnasio Errera (Namik Ələskərov, 64), Rəhman Hacıyev, Elnur Süleymanov (Orxan Fərəcli, 89), Mirabdulla Abbasov.