Füzuli Məmmədov: "Qalib gəlmək istəsək də, alınmadı" | Neftçi PFK

“Neftçi” Peşəkar Futbol Klubu

Füzuli Məmmədov:

Füzuli Məmmədov: "Qalib gəlmək istəsək də, alınmadı"

"Neftçi” PFK-nın baş məşqçisi Füzuli Məmmədov Premyer Liqanın 4-cü turunun "Qəbələ” klubu ilə matçsonrası mətbuat konfransında fikirlərini açıqlayıb. O, komandanı oyuna istədiyi kimi kökləyə bilmədiyini deyib:


"Çalışsaq da, komandanı oyuna istədiyimiz kimi kökləyə bilmədik. "Qəbələ” bizdən daha istəkli idi. Bu, meydanda da görünürdü. Top itkilərimiz çox oldu. Yaxşı hazırlaşa bilməmişdik. Qalib gəlmək istəsək də, alınmadı”.


Sonra baş məşqçi jurnalistlərin suallarını cavablandırıb: "Meydana qələbə qazanmaq üçün çıxmışdıq, amma vaxt çatmadı. Yaxşı oynamadıq. Anton Krivotsyuk çox səhvlər etdi, amma yaxşı futbolçudur. Məsuliyyətli olmalıdır. Zəif oynayacaq, ehtiyatda qalacaq. Prins İbara yorulmuşdu. Hələ tam formasını yığmayıb. İki hücumçu ilə oynaya bilərdik, amma bu halda uduza da bilərdik. Samir Buqrinin məşqlərinə baxacağıq. Son matçlarda zəif oynamışdı, amma belə davam etsə, start heyətində meydana çıxa bilər. Məncə, oyundan-oyuna daha yaxşı çıxış edəcəyik. Bu gün qalib gəlib turnir cədvəlinin lideri ola bilərdik. Bunu futbolçulara da demişdik, sadəcə, tam köklənə bilmədilər. Kim daha yaxşı mübarizə aparsa, o da qələbə qazanacaq. Cəza versək, bu, futbolçuların ziyanına ola bilər. Oyunları analiz edirik, səhvləri göstəririk, amma meydanda səhvlər edirik”.

Fifa


UEFA


AFFA


PFL


ECA


SOCAR


THY


Vita1000


MeqaSigorta