1947-ci il oktyabrın 22-də Bakıda anadan olub.

Futbolun sirrlərini uşaq yaşlarından “Neftçi”də öyrənməyə başlayıb. 1967-1970-ci illərdə komandamızın heyətində forma geyinib və 24 oyunda meydana çıxıb. Lakin zədə səbəbindən futbolçu karyerasını erkən başa vurub. 

Gənc yaşlarından məşqçi olaraq fəaliyyətini davam etdirib. 1982-ci il Moskvada Ali Məşqçilik Məktəbini bitirib. 1983-1985, 1987-ci illərdə “Neftçi”də məşqçi, 1987-1988, 1989, 2004-2006-cı illərdə isə baş məşqçi vəzifəsində çalışıb.

Komandamız onun rəhbərliyi altında 2005-ci ildə Azərbaycan çempionatının, 2006-cı ildə ildə isə “Birlik kuboku”nun qalibi olub.

Ağasəlim müəllim 1988-ci ildə “Azərbaycanın əməkdar məşqçisi” fəxri adına, 2008-ci ildə “Şöhrət” ordeninə, 2018-ci ilin dekabrından isə Prezidentin fərdi təqaüdünə layiq görülüb.