Könüllülər

"Neftçi” Peşəkar Futbol Klubu gənclərimizin inkişafı, onların biliklərinin artırılması və iş təcrübəsi qazanması məqsədilə həyata keçirilən idmanın inkişafı istiqamətində "könüllülük” ictimai faydalı fəaliyyətini təklif edir. Bizim könüllülərimiz "Neftçi” PFK-nın iştirak etdiyi bütün ölkədaxili və qitəmiqyaslı turnirlər çərçivəsində ev oyunlarımızın təşkilində, oyunlarımız zamanı əyləncəli tədbirlərin keçirilməsində və bir çox sosial layihələrimizdə bilavasitə iştirak etməklə fərdi qaydada bilik və bacarıqlarının inkişafına nail olmaqla bərabər, həm də gələcək həyatlarının əsas tələblərindən biri olan böyük iş təcrübəsi qazanırlar. Bununla yanaşı, klubumuzdakı fəaliyyətləri zamanı sevdikləri komandaya daha yaxın olur, özlərinə yeni dostlar qazanır və "Neftçi” PFK-nın təşkil etdiyi seminarlar, turlar və əyləncəli tədbirlərdə iştirak edərək asudə vaxtlarını daha səmərəli və faydalı istiqamətə yönəltmiş olurlar. Könüllülərimiz nəzərdə tutulmuş fəaliyyət müddətlərinin sonunda və yaxud fəaliyyət müddətləri ərzində bir neçə dəfə nizamnaməmizə uyğun olaraq klubumuzun təsis etdiyi sertifikatlar və digər xatirə hədiyyələri ilə təltif olunurlar.

Əgər siz də "Neftçi” PFK-nın könüllülərinə qoşulmaq istəyirsinizsə, özünüz haqqında məlumatları (soyad, ad, ata adı, doğum tarixi, elektron ünvan, şəxsiyyət vəsiqəsinin nömrəsi və fotoşəkil) volunteer@neftchipfk.com elektron ünvanına göndərə bilərsiniz.